മലയാളികള്‍ക്ക് ഓണസമ്മാനവുമായി മോദി സര്‍ക്കാര്‍

ഇതിനായി ഒരുക്കിയ പദ്ധതിയായ ശബരി റെയില്‍ പാതയാകട്ടെ 1996 മുതല്‍ ചുവപ്പുനാടയില്‍ കുരുങ്ങികിടക്കുകയാണ്. സംസ്ഥാന ഭരണകൂടത്തിന് ശബരിമല വികസനത്തിനോടുള്ള താല്‍പ്പര്യക്കുറവും ചില നിക്ഷിപ്ത താല്പര്യങ്ങളുമാണ് പദ്ധതി വൈകാൻ കാരണം. 1996 ല്‍ പ്രാഥമിക എഞ്ചിനീറിങ് സർവ്വേ നടത്തിയ പദ്ധതി 28 വർഷങ്ങള്‍ക്ക് ശേഷവും പണിതുടങ്ങാൻ സാധിച്ചിട്ടില്ല. 98 ല്‍ റെയില്‍വേ അംഗീകരിച്ച പദ്ധതി ഇന്നുവരെയും ജലരേഖയായി മാറി.

എന്നാല്‍ ശബരിമല തീർത്ഥാടകരെ സംബന്ധിച്ചിടത്തോളവും കേരളത്തെ സംബന്ധിച്ചിടത്തോളവും സന്തോഷകരമായ ഒരു വാർത്തയാണ് വരുന്നത്. മലയാളികള്‍ക്ക് ഓണ സമ്മാനമായി മോദി സർക്കാരിന്റെ വമ്ബൻ പദ്ധതി വരികയാണ്. ശബരി അതിവേഗ റെയില്‍ പാതയ്ക്ക് അംഗീകാരം നല്‍കിയിരിക്കുകയാണ് റെയില്‍വേ ബോർഡ്. ഇനി ചെങ്ങന്നൂരില്‍ നിന്ന് പമ്ബയിലേക്ക് നിമിഷങ്ങള്‍ കൊണ്ടെത്താം. മണിക്കൂറില്‍ 200 കിലോമീറ്റർ വേഗത്തില്‍ ട്രെയിനുകള്‍ ഒന്നിന് പുറകെ ഒന്നായി പമ്ബയിലേക്ക് കുതിക്കും. വെറും 17 മിനുട്ട് കൊണ്ട് ചെങ്ങന്നൂരില്‍ നിന്ന് പമ്ബയിലെത്താം. ചെങ്ങന്നൂരില്‍ നിന്ന് പമ്ബ വരെ59.23 കിലോമീറ്റർ ദൂരമാണ് പുതിയ ശബരി പാത. 6450 കോടി രൂപ ചെലവ് പ്രതീക്ഷിക്കുന്ന പദ്ധതി അടുത്ത അഞ്ചു വർഷം കൊണ്ട് പൂർത്തിയാക്കാനാണ് റെയില്‍വേ ലക്ഷ്യമിടുന്നത്. 51 ട്രെയിനുകള്‍ ഒരേ സമയം കൈകാര്യം ചെയ്യാൻ സാധിക്കുന്ന അത്യാധുനിക അതിവേഗ ബ്രോഡ്‌ഗേജ് ഇരട്ട റെയില്‍ പാതയാണ് ഈ പദ്ധതിയുടെ ഭാഗമായി വരിക. ചെങ്ങന്നൂർ, ആറന്മുള, വടശ്ശേരിക്കര, സീതത്തോട്, പമ്ബ തുടങ്ങി അഞ്ചു സ്റ്റേഷനുകളാണ് പദ്ധതിയില്‍ ഉണ്ടാകുക.

അങ്കമാലി മുതല്‍ എരുമേലി വരെ 111 കിലോമീറ്റർ ദൂരമായിരുന്നു പഴയ ശബരി റെയില്‍ പദ്ധതിക്ക് ഉണ്ടായിരുന്നത്. അങ്കമാലി, കാലടി, പെരുമ്ബാവൂർ, ഓടക്കലി, കോതമംഗലം, മൂവാറ്റുപുഴ, വാഴക്കുളം, തൊടുപുഴ, കരിങ്കുന്നം, രാമപുരം, ഭരണങ്ങാനം, ചെമ്മലമറ്റം, കാഞ്ഞിരപ്പള്ളി, എരുമേലി തുടങ്ങി പതിനാല് സ്റ്റേഷനുകളാണ് ഉണ്ടായിരുന്നത്. 98 ല്‍ അന്തിമാനുമതി ലഭിച്ച പദ്ധതി 2004 ആയപ്പോഴേയ്ക്കും പാരിസ്ഥിതിക അനുമതിയില്‍ കുടുങ്ങി. പല പല കാരണങ്ങള്‍ കൊണ്ട് ചുവപ്പു നാടയില്‍ കുടുങ്ങിയ പദ്ധതി അനന്തമായി നീണ്ടു. ശബരിമലയുടെ വികസനത്തില്‍ താല്പര്യമുള്ളവർ ഈ പദ്ധതിക്കായി മുറവിളികൂട്ടിക്കൊണ്ടിരുന്നെങ്കിലും പദ്ധതി നടപ്പിലാക്കാൻ കേരളത്തിലെ പല രാഷ്ട്രീയപ്പാർട്ടികള്‍ക്കും താല്പര്യമില്ലായിരുന്നു. കേന്ദ്രത്തില്‍ ശക്തമായ സമ്മർദ്ദം ചെലുത്തി പദ്ധതി നടപ്പിലാക്കാൻ ജനപ്രതിനിധികളും പരാജയപ്പെട്ടു.

ഈ സാഹചര്യത്തിലാണ് പുതിയ കാലഘത്തിന്റെ പദ്ധതിയായ അതിവേഗ റെയില്‍ തന്നെ ,മോദി സർക്കാർ ഓണസമ്മാനമായി. കേരളത്തിന് നല്‍കിയിരിക്കുന്നത്. അത്യാധുനിക കോച്ചുകളില്‍ അതിവേഗതയില്‍ ഇനി ശബരിമല തീർത്ഥാടകർക്ക് യാത്രചെയ്യാം. അനുബന്ധ യാത്രാ സൗകര്യങ്ങള്‍ ഇനി ഈ പാതയിലൂടെ ഓടുന്ന ട്രെയിനുകള്‍ക്കനുസരിച്ചായിരിക്കും വികസിക്കുക. ശബരിമല തീർത്ഥാടകർക്ക് വലിയ അനുഗ്രഹമായിരിക്കും ഈ പദ്ധതി. റെയില്‍വേ ബോർഡ് അംഗീകരിച്ച പദ്ധതി ഇനി കേന്ദ്ര മന്ത്രിസഭയുടെ അനുമതിക്കായി സമർപ്പിക്കും. അന്തിമ അനുമതി നല്‍കേണ്ടത് കേന്ദ്ര മന്ത്രിസഭയാണ്. എങ്കിലും കേന്ദ്ര മന്ത്രി സഭയുടെ അംഗീകാരം ഒരു സാങ്കേതിക നടപടിക്രമം മാത്രമാണ്.