ചരമപേജ് നോക്കും; കൊല്ലംകാരി റിൻസി മരണവീട്ടില്‍ ബന്ധുവായി എത്തി മോഷണം നടത്തി മടങ്ങും
മരണവീട്ടില്‍ ബന്ധുവായി കയറിച്ചെന്ന് മോഷണം.
കൊച്ചി: മരണവീട്ടില്‍ ബന്ധുവായി കയറിച്ചെന്ന് മോഷണം. കൊല്ലം സ്വദേശിനി റിൻസി അറസ്റ്റില്‍. മരണം നടക്കുന്ന വീടുകള്‍ പത്രവാർത്തകളിലൂടെയാണ് യുവതി കണ്ടെത്തുന്നത്.
വൈറ്റിലയിലെ ബന്ധുവീട്ടില്‍ താമസിച്ചിരുന്ന റിൻസി ആദ്യം പള്ളിയിലും പിന്നീട് വീട്ടിലും എത്തുകയായിരുന്നു. മൃതദേഹം എത്തിക്കും മുമ്ബേ മരണം നടന്ന വീട്ടിലെത്തിയ റിൻസി വീട്ടുകാരി എന്ന വ്യാജേനെ നാട്ടുകാരോട് അടക്കം ഇടപെട്ടു. പിന്നീട് വീട് പരിശോധിച്ച്‌ സ്വർണ്ണവുമായി കടന്നു കളയുകയായിരുന്നു. ഈ രീതിയില്‍ തന്നെയാണ് പെരുമ്ബാവൂരിലും യുവതി മോഷണം നടത്തിയത്.ഈസ്റ്റ് ഒക്കല്‍ കൂനത്താൻ വീട്ടില്‍ പൗലോസിന്റെ മാതാവിന്റെ മരണാനന്തര ചടങ്ങുകള്‍ക്കിടയായിരുന്നു പെരുമ്ബാവൂരിലെ മോഷണം. പൗലോസിന്റെ സഹോദരഭാര്യ ലിസ കട്ടിലിനടിയില്‍ സൂക്ഷിച്ചിരുന്ന ബാഗില്‍ നിന്നാണ് റിൻസി സ്വർണ്ണവും പണവും കവർന്നത്. 45 ഗ്രാം സ്വർണാഭരണവും 90 കുവൈറ്റ് ദിനാറും ആണ് അന്ന് കവർച്ച നടത്തിയത്. ഈ വാർത്ത റിപ്പോർട്ട് കണ്ടതാണ് കൊച്ചിയിലെ മോഷണത്തിന് യുവതിയെ പിടികൂടാൻ സഹായകമായത്.
What's Your Reaction?
