വയനാട്ടില്‍ മരണം 387 ആയി ; തിരച്ചില്‍ തുടരുന്നു
വയനാട്ടിലെ ഉരുള്‍പൊട്ടലില്‍ കാണാതായവര്‍ക്കായുള്ള തിരച്ചില്‍ ഏഴാം ദിവസത്തിലേക്ക്.
വയനാട്ടിലെ ഉരുള്‍പൊട്ടലില്‍ കാണാതായവര്‍ക്കായുള്ള തിരച്ചില്‍ ഏഴാം ദിവസത്തിലേക്ക്. ബെയ്ലി പാലത്തിന് സമീപം ഇന്ന് വ്യാപക തിരച്ചില്‍ നടത്തും.
രണ്ട് സിഗ്‌നലുകള്‍ കേന്ദ്രീകരിച്ചാകും തിരച്ചില്‍. ഡോഗ് സ്‌ക്വാഡിനെയും സ്ഥലത്ത് എത്തിക്കും. റഡാറുകള്‍ ഉള്‍പ്പടെ അത്യാധുനിക സംവിധാനങ്ങള്‍ ഉപയോഗിച്ചായിരിക്കും തിരച്ചില്‍ നടത്തുക.
ചാലിയാറിലും ഇന്ന് വ്യാപക തിരച്ചില്‍ നടത്തും. അതേസമയം, മുണ്ടക്കൈ ഉരുള്‍പൊട്ടലില്‍ ഇതുവരെ മരിച്ചവരുടെ എണ്ണം 387 ആയി. തിരിച്ചറിയാനാകാത്ത എട്ട് മൃതദേഹങ്ങള്‍ ഇന്നലെ സംസ്‌കരിച്ചു. ഇന്ന് കൂടുതല്‍ മൃതദേഹങ്ങള്‍ സംസ്‌കരിക്കും. ഇനിയും കണ്ടെത്താനുള്ളത് 180 പേരെയാണ്. ദുരിതാശ്വാസ ക്യാമ്ബുകളില്‍ കഴിയുന്നത് പതിനായിരത്തിലധികം പേരുണ്ട്.
What's Your Reaction?
