കണ്ണൂര്‍ പുഴാതിഹൗസിങ്ങ് കോളനിയിലെ വൻമരത്തില്‍ കുടുങ്ങിയ പെരുമ്ബാമ്ബിനെ മോചിപ്പിച്ചു

ബുധനാഴ്ച്ച പകല്‍ പതിനൊന്നു മണിയോടെയാണ് പ്രദേശവാസികള്‍ വിവരമറിയിച്ചതിനെ തുടർന്ന് മലബാർ അവർനെസ് ആൻസ് റെസ്ക്യു സെൻ്റർ ഫോർ വൈല്‍ഡ് ലൈഫ് (മാർക്ക്) പ്രവർത്തകർ സ്ഥലത്തെത്തി വൻമരത്തിൻ്റെ ശിഖിരത്തില്‍ കുടുങ്ങിയ പെരുമ്ബാമ്ബിനെ പുറത്തെടുത്തത്.ഒന്നര മണിക്കൂർ നീണ്ട സാഹസിക പ്രയ്തനത്തിനൊടുവിലാണ് പാമ്ബിനെ മോചിപ്പിച്ചത്. തുടർന്ന് മരത്തില്‍ നിന്നും സഞ്ചിയിലാക്കി ഭദ്രമായി താഴത്തേക്ക് ഇറക്കി. ഇതിനു ശേഷം മറ്റൊരു സഞ്ചിയിലാക്കി മാറ്റി. മാർക്ക് പ്രവർത്തകരായ ഷാജി ബക്കളം, സന്ദീപ് ചക്കരക്കല്‍ എന്നിവരാണ് മരത്തിൻ്റെ മുകളില്‍ കയറിയത്.റിയാസ് മാങ്ങാട്, വിജിലേഷ് കോടിയേരി,രഞ്ജിത്ത് നാരായണൻ, വിഷ്ണു പനങ്കാവ് എന്നിവർ താഴെ നിന്നും രക്ഷാപ്രവർത്തനത്തില്‍ പങ്കാളികളായി. ഏകദേശം മൂന്ന് മീറ്റർ നീളമുള്ള പെരുമ്ബാമ്ബിനെ പിന്നീട് തളിപ്പറമ്ബ് റെയ്ഞ്ച് ഓഫിസിലെ ഫോറസ്റ്റു ഉദ്യോഗസ്ഥർക്ക് കൈമാറി രക്ഷാപ്രവർത്തനത്തിനിടെയില്‍ പെരുമ്ബാമ്ബിന് പരുക്കേറ്റിട്ടില്ല. ആരോഗ്യസ്ഥിതി പരിശോധിച്ച ശേഷം ഇതിനെ ആവാസ വ്യവസ്ഥയിലേക്ക് വിടുമെന്ന് വനം വകുപ്പ് ഉദ്യോഗസ്ഥർ അറിയിച്ചു.