ക്ഷേമപെൻഷൻ വിതരണം വെള്ളിയാഴ്ച മുതൽ; 62 ലക്ഷത്തോളം പേർക്ക് 3200 രൂപ ലഭിക്കും
3200 രൂപവീതം 62 ലക്ഷത്തോളം പേർക്കാണ് പെൻഷൻ ലഭിക്കുക.
ക്ഷേമപെൻഷൻ വിതരണം വെള്ളിയാഴ്ച മുതൽ ആരംഭിക്കും. സാമൂഹ്യസുരക്ഷ, ക്ഷേമനിധി പെൻഷൻ ഗുണഭോക്താക്കൾക്ക്‌ സർക്കാർ രണ്ടു ഗഡു കൂടി അനുവദിച്ചു.
1604 കോടി രൂപ ഇതിനായി അനുവദിച്ചതായി ധനമന്ത്രി കെ.എൻ.ബാലഗോപാൽ അറിയിച്ചു.
ജനുവരിയിലെ പെൻഷനും ഒപ്പം കുടിശിക ഗഡുക്കളിൽ ഒന്നു കൂടിയാണ്‌ ഇപ്പോൾ അനുവദിച്ചിരിക്കുന്നത്.
3200 രൂപവീതം 62 ലക്ഷത്തോളം പേർക്കാണ് പെൻഷൻ ലഭിക്കുക. 26.62 ലക്ഷം പേർക്ക് ബാങ്ക്‌ അക്കൗണ്ട് വഴിയാണ് പെെസ ലഭിക്കുക.
മറ്റുള്ളവർക്ക്‌ വീട്ടിലെത്തി പെൻഷൻ നൽകും. സഹകരണ ബാങ്കുകളിലൂടെയാണ് ഇത് നടപ്പാക്കുന്നത്.
സാമ്പത്തിക പ്രശ്നങ്ങൾ മൂലം കുടിശികയായ ക്ഷേമ പെൻഷൻ ഈ സാമ്പത്തിക വർഷവും അടുത്ത സാമ്പത്തിക വർഷവുമായി നൽകുമെന്ന്‌ മുഖ്യമന്ത്രി പിണറായി വിജയൻ നിയമസഭയിൽ അറിയിച്ചിരുന്നു. ഓണത്തിനാണ് ആദ്യ ഗഡു നൽകിയത്.
What's Your Reaction?
