'ആഢംബര ഫ്ലാറ്റോ ഗോൾഡൻ വിസയോ ലഭിച്ചിട്ടില്ല'; എല്ലാം വ്യാജ വാർത്തയെന്ന് അനീഷ്
ബിഗ് ബോസിന് പിന്നാലെ ദുബായിൽ ആഢംബര ഫ്ലാറ്റും ഗോൾഡൻ വിസയും ലഭിച്ചെന്ന വാർത്തകൾ തള്ളി അനീഷ്. ദുബായിൽ പ്രോപ്പർട്ടി കൺസൽട്ടന്റായ മുഹമ്മദ് അസ്റുദ്ദീൻ ഇക്കാര്യം പറഞ്ഞ് വീഡിയോ പങ്കിട്ടതോടെയാണ് ഇത് ഏറെ ശ്രദ്ധനേടിയത്.
വ്യാജ വാർത്തയാണിതെന്നും ആഢംബര ഫ്ലാറ്റോ ഗോൾഡൻ വിസയോ തനിക്ക് ലഭിച്ചിട്ടില്ലെന്നും അനീഷ് വ്യക്തമാക്കുന്നു. തന്റെ സോഷ്യൽ മീഡിയ പേജിലൂടെയാണ് അനീഷ് വ്യക്തത വരുത്തിയിരിക്കുന്നത്.സോഷ്യൽ മീഡിയയിൽ ഇപ്പോൾ പ്രചരിച്ച് കൊണ്ടിരിക്കുന്ന ഒരു കാര്യത്തിന്റെ സത്യാവസ്ഥ നിങ്ങളുമായി പങ്കുവയ്ക്കാനാണ് വന്നത്. ദുബായിൽ ആഢംബര ഫ്ലാറ്റും ഗോൾഡൻ വിസയൊക്കെ കിട്ടിയില്ലേന്ന് പറഞ്ഞത് ഒരുപാട് പേര് മെസേജ് അയച്ച് ചോദിക്കുന്നുണ്ട്. സത്യാവസ്ഥ എന്തെന്നാൽ, വസ്തുതാപരമായ കാര്യമല്ല ഈ പ്രചരിക്കുന്നത്. ആഢംബര ഫ്ലാറ്റോ ഗോൾഡൻ വിസയോ എനിക്ക് കിട്ടിയിട്ടില്ല. അതൊരു വ്യാജ വാർത്തയാണ്", എന്നായിരുന്നു അനീഷിന്റെ വാക്കുകൾ.
