-20250505092254.png)
ജാമ്യഹര്ജി തള്ളിയതിന് പിന്നാലെ രാഹുലിന്റെ മൊബൈല് ഫോണ് ഓണായി
യുവതിയെ ബലാത്സംഗം ചെയ്യുകയും ഭീഷണിപ്പെടുത്തി ഗര്ഭഛിദ്രം നടത്തുകയും ചെയ്തെന്ന കേസില് ഒളിവില് പോയ രാഹുൽ മാങ്കൂട്ടത്തില് എംഎല്എയുടെ ഫോണ് ഓണായതായി റിപ്പോർട്ട്. ഫോണ് വിളിച്ചതിന് പിന്നാലെ കോള് കട്ടാക്കുകയും ചെയ്തു എന്നാണ് പുറത്തു വരുന്ന റിപ്പോർട്ട്.
അതേസമയം രാഹുലിന്റെ മുന്കൂര് ജാമ്യാപേക്ഷയും അറസ്റ്റ് തടയണമെന്ന ഹര്ജിയും തള്ളിയതിന് പിന്നാലെയാണ് ഫോണ് ഓണായത് എന്നാണ് ലഭിക്കുന്ന വിവരം. രാഹുല് ഏതെങ്കിലും കോടതില് ഹാജരായി കീഴടങ്ങിയേക്കുമെന്നാണ് വിവരം. രാഹുല് ഫോണ് ഓണാക്കിയത് അന്വേഷസംഘത്തെ വഴി തെറ്റിക്കാനാണോയെന്ന സാധ്യതയും പൊലീസ് പരിശോധിക്കുന്നുണ്ട്.
എട്ടാം ദിവസവും ഒളിവില് കഴിയുന്ന രാഹുല് മാങ്കൂട്ടത്തിലിന്റെ അവസാന ലൊക്കേഷന് സുള്ള്യയിലാണെന്ന് അന്വേഷണസംഘം കണ്ടെത്തിയിട്ടുണ്ട്. ഇതോടെ കര്ണാടക - കേരള അതിര്ത്തിയില് തിരച്ചില് ശക്തമാക്കിയിട്ടുണ്ട്.
