വർധിച്ചു വരുന്ന ബി.എൽ.ഒ. ആത്മഹത്യകൾക്കിടയിൽ തിരഞ്ഞെടുപ്പ് കമ്മീഷൻ്റെ സൂംബ ഡാൻസ് വീഡിയോ വിവാദത്തിൽ; 'ലജ്ജാകരം' എന്ന് പ്രതിപക്ഷം

രാജ്യത്തുടനീളം നടന്നുകൊണ്ടിരിക്കുന്ന  നടപടികൾക്കിടെ ബൂത്ത് ലെവൽ ഓഫീസർമാരുടെ (ബി.എൽ.ഒ.) ആത്മഹത്യകൾ വർധിക്കുന്നതിനിടെ തിരഞ്ഞെടുപ്പ് കമ്മീഷൻ്റെ (ഇ.സി.ഐ.) സോഷ്യൽ മീഡിയ വീഡിയോ വലിയ വിവാദമായി.ഞായറാഴ്ച, തിരുവനന്തപുരത്ത് സംഘടിപ്പിച്ച 'എസ്.ഐ.ആർ. ജോയാത്തണി'ൻ്റെ ഒരു ക്ലിപ്പ് ഇ.സി.ഐ. പങ്കുവെച്ചിരുന്നു. അതിൽ ബി.എൽ.ഒ.മാർ സംഗീതത്തിനൊപ്പം നൃത്തം ചെയ്യുന്നതും സൂംബ സെഷനിൽ പങ്കെടുക്കുന്നതും കാണിക്കുന്നുണ്ട്. സംസ്ഥാന ചീഫ് ഇലക്ടറൽ ഓഫീസർ രതൻ ഖേൽക്കറും ബിഎൽഒമാർക്കൊപ്പം നൃത്തം ചെയ്യുന്നതാണ് ദൃശ്യങ്ങളിൽ.

എന്നാൽ ഉത്തർപ്രദേശ്, ബീഹാർ, മധ്യപ്രദേശ് ഉൾപ്പെടെ നിരവധി സംസ്ഥാനങ്ങളിൽ ജോലിയുടെ സമ്മർദ്ദം കാരണം ബി.എൽ.ഒ.മാർ ജീവനൊടുക്കുന്ന വാർത്തകൾ വരുന്നതിനിടെയാണ് ഈ വീഡിയോ പുറത്തുവന്നത്.