ഹർഭജൻ സിംഗിന്റെ തല്ലുകൊണ്ട് പൊട്ടിക്കരഞ്ഞ് ശ്രീശാന്ത്; 18 വര്ഷങ്ങള്ക്കിപ്പുറം 'ആരും കാണാത്ത' സ്ലാപ് വീഡിയോയുമായി ലളിത് മോദി
മുംബൈ ഇന്ത്യൻസ് താരമായിരുന്ന ഹർഭജന് സിങ് പഞ്ചാബ് കിങ്സിന്റെ ശ്രീശാന്തിനെ തല്ലുന്ന ദൃശ്യങ്ങൾ പുറത്തുവിട്ട് ഐപിഎൽ മുന് ചെയർമാൻ ലളിത് മോദി. 2008ലെ പ്രീമിയർ ലീഗിനിടെയുള്ള വീഡിയോയാണിത്. ഓസ്ട്രേലിയൻ മുൻ താരം മൈക്കൽ ക്ലാർക്കിന് നൽകിയ അഭിമുഖത്തിലാണ് ലളിത് മോദി വർഷങ്ങളായി സൂക്ഷിച്ചുവച്ചിരുന്ന ദൃശ്യങ്ങൾ പുറത്തുവിട്ടത്.
ഐപിഎൽ ചരിത്രത്തിലെ ഏറ്റവും വലിയ വിവാദങ്ങളിലൊന്നായ മുംബൈ ഇന്ത്യൻസും പഞ്ചാബ് കിംഗ്സും തമ്മിലുള്ള മത്സരത്തിനുശേഷമായിരുന്നു സംഭവം. ആരും ഇതുവരെ കാണാത്ത ദൃശ്യങ്ങൾ എന്ന അവകാശവാദവുമായാണ് ലളിത് മോദി വീഡിയോ പങ്കുവെച്ചിരിക്കുന്നത്. അന്നത്തെ മത്സരത്തിനിടെ ബ്രോഡ്കാസ്റ്റ് ചെയ്യാത്ത വീഡിയോയാണിത്. ഹർഭജൻ സിംഗ് കൈയ്യുടെ പിൻഭാഗം കൊണ്ട് ശ്രീശാന്തിനെ അടിക്കുന്നത് വീഡിയോയിൽ കാണാം.
സംഭവത്തിന് പിന്നാലെ ഞെട്ടുന്നതും തുടർന്ന് ഹർഭജന് നേരെ തിരിയുന്നതും വീഡിയോയിലുണ്ട്. മറ്റ് താരങ്ങൾ ഇടപെട്ട് രണ്ടുപേരെയും പിടിച്ച് മാറ്റുകയായിരുന്നു. തത്സമയ സംപ്രേക്ഷണത്തിൽ ഈ ദൃശ്യങ്ങൾ കാണിച്ചില്ല. സംഭവത്തിന് തൊട്ടുമുൻപ് പരസ്യം സംപ്രേക്ഷണം ചെയ്യുകയും കവറേജ് പുനരാരംഭിച്ചപ്പോൾ, ശ്രീശാന്ത് കണ്ണീരോടെ ഇരിക്കുന്നതുമാണ് കാണിച്ചത്..
