ഇറാൻ പ്രതിനിധി സംഘത്തോട് ഉടൻ രാജ്യം വിടാൻ ഉത്തരവിട്ട് മാർക്കോ റൂബിയോ; ന്യൂയോർക്കിൽ നയതന്ത്ര പോര് മുറുകുന്നു

ഐക്യരാഷ്ട്രസഭ വാർഷിക പൊതുസഭാ സമ്മേളനത്തിനായി ന്യൂയോർക്കിലെത്തിയ ഉന്നതതല ഇറാനിയൻ നയതന്ത്ര സംഘത്തോട് നിശ്ചിത സമയത്തിനും മുൻപേ അമേരിക്ക വിടാൻ ഉത്തരവിട്ട് യുഎസ് വിദേശകാര്യ സെക്രട്ടറി മാർക്കോ റൂബിയോ. ഇരുരാജ്യങ്ങളും തമ്മിൽ യുദ്ധസമാനമായ സാഹചര്യങ്ങൾ നിലനിൽക്കുന്നതിനിടെയാണ് വൈറ്റ് ഹൗസിന്റെ നിർദ്ദേശപ്രകാരം സ്റ്റേറ്റ് ഡിപ്പാർട്ട്മെന്റിന്റെ ഈ കടുത്ത നീക്കം.

ഇറാൻ വിദേശകാര്യ മന്ത്രി അബ്ബാസ് അരാഗ്ചിയുടെ നേതൃത്വത്തിലുള്ള പ്രതിനിധി സംഘത്തിനാണ് അമേരിക്കയിൽ നിന്ന് എത്രയും വേഗം മടങ്ങാൻ അടിയന്തര നിർദ്ദേശം നൽകിയിരിക്കുന്നത്. നയതന്ത്ര തലത്തിലുള്ള ചർച്ചകൾ പൂർണ്ണമായി പരാജയപ്പെട്ട സാഹചര്യത്തിലാണ് യുഎസ് ഭരണകൂടം കർശന നടപടിയിലേക്ക് കടന്നത്.