അംഗീകാരമില്ലാത്ത പേപ്റ്റൈഡ് ഇൻജക്ഷനുകൾ ഉപയോഗിക്കരുത്: ഗുരുതര ആരോഗ്യപ്രശ്നങ്ങൾക്ക് സാധ്യതയെന്ന് എഫ്.ഡി.എ മുന്നറിയിപ്പ്

തൊലി വെളുപ്പിക്കുന്നതിനും, പ്രായമാകുന്നത് തടയുന്നതിനുമായി ഉപയോഗിക്കുന്ന ചില അംഗീകാരമില്ലാത്ത പേപ്റ്റൈഡ് ഇൻജക്ഷനുകൾക്കെതിരെ മുന്നറിയിപ്പുമായി എഫ്.ഡി.എ (ഫുഡ് ആൻഡ് ഡ്രഗ് അഡ്മിനിസ്ട്രേഷൻ)

ഗ്ലൂട്ടത്തയോൺ, ജി.എച്ച്.ആർ.പി-2 പോലെയുള്ള നിരോധിതവും അംഗീകാരമില്ലാത്തതുമായ സപ്ലിമെന്റുകൾ ശരീരത്തിൽ കുത്തിവെക്കുന്നത് രക്തത്തിലെ അണുബാധ ഉൾപ്പെടെയുള്ള മാരകമായ ആരോഗ്യപ്രശ്നങ്ങൾക്ക് കാരണമാകുന്നുണ്ടെന്ന് ഏജൻസികൾ ചൂണ്ടിക്കാണിക്കുന്നു. ഓൺ‌ലൈൻ വഴിയും അല്ലാത്തതുമായ വിപണികളിൽ നിന്ന് സുരക്ഷാ മാനദണ്ഡങ്ങൾ പാലിക്കാതെ എത്തുന്ന ഇത്തരം കുത്തിവെപ്പുകൾ ജീവന് തന്നെ ഭീഷണിയാണെന്നാണ് പുതിയ പഠനങ്ങൾ വ്യക്തമാക്കുന്നത്.