ക്ലോഡ് എഐ ദുരുപയോഗം ചെയ്ത് ചൈന: അത്യാധുനിക ആയുധ നിർമ്മാണ നീക്കം പിടികൂടി ആന്ത്രോപിക്

ലോകത്തെ പ്രമുഖ നിർമ്മിത ബുദ്ധി ഗവേഷണ കമ്പനിയായ ആന്ത്രോപിക് വികസിപ്പിച്ച എഐ മോഡൽ ക്ലോഡ് ദുരുപയോഗം ചെയ്ത് ചൈന അത്യാധുനിക ആയുധങ്ങൾ വികസിപ്പിക്കാൻ ശ്രമിച്ചതായി റിപ്പോർട്ട്. ചൈനീസ് നാവികസേനയ്ക്കായി ടോർപ്പിഡോ വിരുദ്ധ ആയുധ സംവിധാനങ്ങൾ നിർമ്മിക്കുന്നതിനാണ് എഐ ഉപയോഗിച്ചതെന്ന് ആന്ത്രോപിക് തങ്ങളുടെ പുതിയ ഭീഷണി റിപ്പോർട്ടിൽ വെളിപ്പെടുത്തി.

ചൈനീസ് പ്രതിരോധ മേഖലയുമായി ബന്ധമുള്ള ഗ്രൂപ്പാണ് ഈ പ്രവൃത്തിക്ക് പിന്നിൽ പ്രവർത്തിച്ചതെന്ന് കമ്പനി വ്യക്തമാക്കി. ആന്ത്രോപിക്കിന്റെ അത്യാധുനിക എഐ സാങ്കേതികവിദ്യയായ ക്ലോഡ് ഉപയോഗിച്ച് മൂന്ന് വ്യത്യസ്ത രീതിയിലുള്ള സൈനിക പദ്ധതികൾ തയ്യാറാക്കാനാണ് ഇവർ ശ്രമിച്ചത്.