ഐഫോണുകളിൽ ചൈനീസ് ചിപ്പുകൾ ഉപയോഗിക്കാൻ നീക്കം! വിലക്കയറ്റം തടയാൻ വൻ പദ്ധതി

ആഗോള ചിപ്പ് ക്ഷാമവും ഉൽപ്പന്ന നിർമ്മാണ ചെലവും വർധിച്ചതോടെ ഐഫോണുകളിൽ ചൈനീസ് നിർമ്മിത മെമ്മറി ചിപ്പുകൾ ഉപയോഗിക്കാൻ തയ്യാറെടുത്ത് ടെക് ഭീമനായ ആപ്പിൾ. ചൈനീസ് നിർമ്മാതാക്കളായ ചങ്‌ക്സിൻ മെമ്മറി ടെക്നോളജീസ് (CXMT), യാങ്‌സി മെമ്മറി ടെക്നോളജീസ് (YMTC) എന്നിവരിൽ നിന്നും സാങ്കേതിക ചിപ്പുകൾ വാങ്ങാനാണ് കമ്പനി ആലോചിക്കുന്നത്.

എന്നാൽ ചൈനീസ് നിർമ്മിത ചിപ്പുകൾ ആപ്പിൾ ഉൽപ്പന്നങ്ങളിൽ ഉപയോഗിക്കുന്നതിനെതിരെ അമേരിക്കൻ ഭരണകൂടം കടുത്ത എതിർപ്പാണ് രേഖപ്പെടുത്തിയിരിക്കുന്നത്. മഹത്തായ അമേരിക്കൻ കമ്പനികൾ ചൈനീസ് ചിപ്പുകളെ ആശ്രയിക്കുന്നത് ശരിയല്ലെന്ന് ട്രംപ് ഭരണകൂടത്തിലെ വാണിജ്യ സെക്രട്ടറി ഹൊവാർഡ് ലുട്നിക് ആപ്പിളിന് താക്കീത് നൽകി.

നിർണ്ണായകമായ ഈ വിഷയത്തിൽ കമ്പനിയുടെ നിലപാട് തങ്ങൾ വ്യക്തമായി അമേരിക്കൻ അധികൃതരെ ധരിപ്പിച്ചിട്ടുണ്ടെന്നും അദ്ദേഹം വെളിപ്പെടുത്തി. നിലവിൽ ആഗോള വിപണിയിൽ ആർട്ടിഫിഷ്യൽ ഇന്റലിജൻസ് അധിഷ്ഠിത സാങ്കേതിക വിദ്യകൾക്ക് ആവശ്യക്കാർ ഏറിയതാണ് മെമ്മറി ചിപ്പുകളുടെ കടുത്ത ക്ഷാമത്തിന് വഴിവെച്ചത്.