തിരുവനന്തപുരം സ്പോർട്സ് കൗൺസിലിൽ എസി പൊട്ടിത്തെറിച്ചു; രണ്ട് പേർക്ക് ഗുരുതര പരിക്ക്!
പ്രസിദ്ധീകരിച്ചത്: 13 May, 2026
തിരുവനന്തപുരം ജില്ലാ സ്പോർട്സ് കൗൺസിൽ ആസ്ഥാനത്ത് എയർ കണ്ടീഷണർ (AC) പൊട്ടിത്തെറിച്ച് രണ്ട് പേർക്ക് പരിക്കേറ്റു. സ്പോർട്സ് കൗൺസിൽ ഓഫീസിലെ എസി അറ്റകുറ്റപ്പണി നടത്തുന്നതിനിടെയാണ് അപകടമുണ്ടായത്. പരിക്കേറ്റ തൊഴിലാളികളെ ഉടൻ തന്നെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
ഓഫീസിലെ എസി പ്രവർത്തനരഹിതമായതിനെ തുടർന്ന് അത് ശരിയാക്കാൻ എത്തിയതായിരുന്നു രണ്ട് തൊഴിലാളികൾ. ജോലിക്കിടയിൽ കംപ്രസ്സർ പൊട്ടിത്തെറിച്ചതാണ് അപകടത്തിന് കാരണമായതെന്നാണ് പ്രാഥമിക നിഗമനം. സ്ഫോടനത്തിന്റെ ആഘാതത്തിൽ രണ്ട് പേർക്കും ഗുരുതരമായി പൊള്ളലേറ്റിട്ടുണ്ട്.
