കമ്മ്യൂണിസ്റ്റ് ഭരണകൂടത്തിന് ഡൊണാൾഡ് ട്രംപിന്റെ അന്ത്യശാസനം; പശ്ചിമേഷ്യക്ക് പിന്നാലെ കരീബിയൻ തീരത്തും യുദ്ധഭീതി

അമേരിക്കയുടെ അയൽരാജ്യമായ ക്യൂബയിൽ ഭരണമാറ്റം ലക്ഷ്യമിട്ട് പ്രസിഡന്റ് ഡൊണാൾഡ് ട്രംപ് നടത്തിയ പ്രഖ്യാപനം അന്താരാഷ്ട്ര തലത്തിൽ വലിയ ചർച്ചയായിരിക്കുകയാണ്. ക്യൂബയിലെ കമ്മ്യൂണിസ്റ്റ് ഭരണകൂടം ഉടൻ അധികാരം ഒഴിയണമെന്നും അല്ലാത്തപക്ഷം സൈനിക നടപടി നേരിടേണ്ടി വരുമെന്നുമാണ് ട്രംപിന്റെ മുന്നറിയിപ്പ്. ക്യൂബയെ ഉടനടി ഏറ്റെടുക്കാൻ അമേരിക്ക മടിക്കില്ലെന്ന് അദ്ദേഹം വ്യക്തമാക്കി.

പതിറ്റാണ്ടുകളായി നിലനിൽക്കുന്ന ക്യൂബൻ ഭരണകൂടത്തോടുള്ള അമേരിക്കയുടെ നയം കൂടുതൽ കടുപ്പിക്കുന്നതാണ് ഈ പുതിയ നീക്കം. ക്യൂബയിലെ ജനങ്ങൾ കടുത്ത ദാരിദ്ര്യത്തിലും അടിച്ചമർത്തലിലുമാണെന്ന് ട്രംപ് ചൂണ്ടിക്കാട്ടി. ജനാധിപത്യം പുനഃസ്ഥാപിക്കാനായി താൻ ഏതറ്റം വരെയും പോകുമെന്ന് അദ്ദേഹം പ്രഖ്യാപിച്ചു.ഫ്ലോറിഡയുടെ തൊട്ടടുത്ത് കിടക്കുന്ന ക്യൂബയിൽ വിദേശ ശക്തികളുടെ സാന്നിധ്യം വർദ്ധിക്കുന്നത് അമേരിക്കയുടെ സുരക്ഷയ്ക്ക് ഭീഷണിയാണെന്ന് വൈറ്റ് ഹൗസ് കരുതുന്നു. റഷ്യയും ചൈനയും ക്യൂബയുമായി പുലർത്തുന്ന ബന്ധത്തിൽ പ്രസിഡന്റ് ട്രംപിന് കടുത്ത അതൃപ്തിയുണ്ട്. ക്യൂബൻ തീരങ്ങളിൽ അമേരിക്കൻ നാവികസേന നിരീക്ഷണം ശക്തമാക്കിയിട്ടുണ്ട്.