സംസ്ഥാനത്ത് ഒരാൾ കൂടി പാമ്പു കടിയേറ്റു മരിച്ചു
പ്രസിദ്ധീകരിച്ചത്: 01 May, 2026
കൊല്ലത്ത് ഒരാള് പാമ്പു കടിയേറ്റു മരിച്ചു. മണ്ട്രോത്തുരുത്ത് സ്വദേശി രാജേന്ദ്രനാണ് മരിച്ചത്.
അണലിയുടെ കടിയേറ്റ രാജേന്ദ്രനെ ആദ്യം കൊല്ലം ജില്ലാ ആശുപത്രിയില് പ്രവേശിപ്പിച്ചെങ്കിലും പിന്നീട് തിരുവനന്തപുരം മെഡിക്കല് കോളേജിലേക്ക് മാറ്റുകയായിരുന്നു.
തിരുവനന്തപുരം മെഡിക്കല് കോളേജില് ചികിത്സയിലിരിക്കെയാണ് മരണം. അതിനിടെ ഇടുക്കി കോതമംഗലം വടാട്ടുപാറയില് സ്വകാര്യ വ്യക്തിയുടെ പുരയിടത്തില് നിന്നും കൂറ്റന് രാജവെമ്പാലയെ പിടികൂടി. വടാട്ടുപാറ അമ്മാവന് സിറ്റിക്കു സമീപം ജനവാസ മേഖലയില് പ്ലാവിന് മുകളിലാണ് പാമ്പിനെ കണ്ടത്.
