ഖമേനിയെ വധിക്കാൻ ഇസ്രായേൽ പദ്ധതിയിട്ടത് കഴിഞ്ഞ നവംബറിൽ

ഇറാന്റെ പരമോന്നത നേതാവ് അലി ഖമേനിയെ വധിക്കാനുള്ള തീരുമാനം ഇസ്രായേൽ കൈക്കൊണ്ടത് കഴിഞ്ഞ നവംബറിലാണെന്ന് ഇസ്രായേൽ പ്രതിരോധ മന്ത്രി ഇസ്രായേൽ കാറ്റ്‌സ് വെളിപ്പെടുത്തി. ഏകദേശം ആറ് മാസത്തിന് ശേഷം പദ്ധതി നടപ്പിലാക്കാനായിരുന്നു ആദ്യ തീരുമാനമെന്നും അദ്ദേഹം വ്യാഴാഴ്ച ഒരു അഭിമുഖത്തിൽ പറഞ്ഞു.ഇറാൻ്റെ ഉന്നത നേതാക്കളുടെ വധത്തോടെ ആരംഭിച്ച ഈ പോരാട്ടം ഇപ്പോൾ ഒരു പ്രാദേശിക യുദ്ധമായി മാറിയിരിക്കുകയാണ്. ഇസ്രായേലിലും ഗൾഫ് രാജ്യങ്ങളിലും ഇറാഖിലും ഇറാന്റെ തിരിച്ചടികൾ തുടരുമ്പോൾ, ലെബനനിലെ ഹിസ്ബുള്ളയ്ക്കെതിരെ ഇസ്രായേലും ആക്രമണം ശക്തമാക്കിയിട്ടുണ്ട്.