പാലക്കാട് തണ്ണിമത്തനടിയിലേക്ക് ഒളിപ്പിച്ച നിലയിൽ നൂറിലധികം പെട്ടി സ്ഫോടകവസ്തുക്കൾ പിടികൂടി

പാലക്കാട് 100 പെട്ടിയിലധികം സ്ഫോടകവസ്തുക്കൾ നിറച്ച ഒരു പിക്ക്-അപ്പ് വാൻ പിടിച്ചെടുത്തതായി പോലീസ്. 100 ലധികം പെട്ടി ജലാറ്റിൻ സ്റ്റിക്കുകളും 20 ലധികം പെട്ടി ഡിറ്റണേറ്ററുകളും വാഹനത്തിൽ നിന്ന് കണ്ടെത്തിയതായി പാലക്കാട് ടൗൺ സൗത്ത് പോലീസ് സ്റ്റേഷനിലെ ഒരു ഉദ്യോഗസ്ഥൻ പറഞ്ഞു. തണ്ണിമത്തൻ ചരക്കുകളുടെ ഒരു ശേഖരത്തിനടിയിൽ പെട്ടികൾ ഒളിപ്പിച്ചിരിക്കുകയായിരുന്നു.വരാനിരിക്കുന്ന നിയമസഭാ തെരഞ്ഞെടുപ്പിന് മുന്നോടിയായി സംസ്ഥാനത്തുടനീളം സുരക്ഷാ നടപടികൾ സംസ്ഥാന അധികാരികൾ ശക്തമാക്കിയിരിക്കെ ബുധനാഴ്ച രാത്രി വൈകിയാണ് പിടികൂടിയത്.