ചരിത്രത്തിലാദ്യമായി ഞായറാഴ്ച ബജറ്റ്; നിർമ്മല സീതാരാമൻ്റെ പ്രഖ്യാപനങ്ങൾ ഉറ്റുനോക്കി സാധാരണക്കാരും കർഷകരും

ചരിത്രത്തിലാദ്യമായി ഒരു ഞായറാഴ്ച രാജ്യം കേന്ദ്ര ബജറ്റിന് സാക്ഷ്യം വഹിക്കുകയാണ്. ധനമന്ത്രി നിർമ്മല സീതാരാമൻ അവതരിപ്പിക്കുന്ന ഈ ബജറ്റിൽ സാധാരണക്കാർ, കർഷകർ, സ്ത്രീകൾ, യുവാക്കൾ, നികുതിദായകർ എന്നിവർക്കായി വമ്പൻ പ്രഖ്യാപനങ്ങൾ ഉണ്ടാകുമെന്നാണ് കരുതപ്പെടുന്നത്.പണപ്പെരുപ്പം നിയന്ത്രിക്കുന്നതിനും സാമ്പത്തിക വളർച്ച വേഗത്തിലാക്കുന്നതിനും ഊന്നൽ നൽകുന്ന  5 പ്രധാന ആവശ്യങ്ങൾ താഴെ പറയുന്നവയാണ്.

കേവലം പ്രവേശന നിരക്ക് വർദ്ധിപ്പിക്കുന്നതിനേക്കാൾ വിദ്യാഭ്യാസത്തിന്റെ ഗുണനിലവാരം ഉയർത്തുന്നതിലാകണം ബജറ്റ് ശ്രദ്ധ കേന്ദ്രീകരിക്കേണ്ടതെന്നാണ് ഈ മേഖലയിലുള്ളവർ ആവശ്യപ്പെടുന്നത്. ആർട്ടിഫിഷ്യൽ ഇന്റലിജൻസ് (AI), ഡിജിറ്റൽ സ്കിൽ ലേണിംഗ് എന്നിവ സർക്കാർ-സ്വകാര്യ വിദ്യാലയങ്ങളിൽ ഒരേപോലെ നടപ്പിലാക്കണം.

ഓൺലൈൻ വിദ്യാഭ്യാസത്തിന് കൂടുതൽ പ്രോത്സാഹനം നൽകുകയും വിദഗ്ധരായ അധ്യാപകരെ നിയമിക്കുകയും വേണം. വിദ്യാർത്ഥികൾക്കായി കുറഞ്ഞ പലിശ നിരക്കിൽ വിദ്യാഭ്യാസ വായ്പകളും കൂടുതൽ സ്കോളർഷിപ്പുകളും അനുവദിക്കണമെന്നും ആവശ്യമുയരുന്നുണ്ട്.