മോട്ടോർ വാഹന നിയമ ഭേദഗതി: ചർച്ചകൾക്ക് ശേഷം മാത്രം നടപ്പാക്കുമെന്ന് ഗണേഷ് കുമാർ

 മോട്ടോർ വാഹന നിയമത്തിലെ കേന്ദ്ര സർക്കാരിന്റെ പുതിയ ഭേദഗതികൾ സംസ്ഥാനത്ത് നടപ്പാക്കുന്നതിന് മുൻപ് വിശദമായ ചർച്ചകൾ നടത്തുമെന്ന് വ്യക്തമാക്കി ഗതാഗത മന്ത്രി കെ.ബി. ഗണേഷ് കുമാർ. കേന്ദ്രത്തിൽ നിലവിലുള്ള നിയമങ്ങൾ കേരളത്തിൽ പ്രാബല്യത്തിൽ വരുത്തില്ലെന്നും, പൊതുജനങ്ങൾക്ക് അനാവശ്യ ബുദ്ധിമുട്ടുകൾ ഉണ്ടാകാത്ത രീതിയിലായിരിക്കും നിയമങ്ങൾ നടപ്പിലാക്കുകയെന്നും മന്ത്രി പറഞ്ഞു.സാമൂഹിക മാധ്യമമായ ഫേസ്ബുക്കിലൂടെ പങ്കുവച്ച കുറിപ്പിലൂടെയാണ് മന്ത്രി തന്റെ നിലപാട് വ്യക്തമാക്കിയത്. ജനങ്ങളുടെ അഭിപ്രായങ്ങൾ പരിഗണിച്ചും ബന്ധപ്പെട്ടവരുമായി കൂടിയാലോചിച്ചും മാത്രമേ നിയമഭേദഗതികൾ നടപ്പാക്കൂവെന്നും അദ്ദേഹം കൂട്ടിച്ചേർത്തു.