മലപ്പുറം കരുവാരക്കുണ്ടിൽ കാണാതായ 14കാരി മരിച്ച നിലയിൽ; റെയിൽവെ ട്രാക്കിനരികെ മൃതദേഹം

കരുവാരക്കുണ്ട് സ്വദേശിയായ കുടുംബത്തിലെ വിദ്യാർത്ഥിനിയായിരുന്നു മരിച്ച പെൺകുട്ടി. കുട്ടിയെ കാണാനില്ലെന്ന പരാതിയെ തുടർന്ന് പൊലീസ് അന്വേഷണം പുരോഗമിച്ചുവരുന്നതിനിടെയാണ് മൃതദേഹം കണ്ടെത്തിയത്. റെയിൽവെ സ്റ്റേഷനോട് ചേർന്ന പ്രദേശത്ത് നാട്ടുകാർ മൃതദേഹം കണ്ടെത്തി അധികൃതരെ വിവരം അറിയിക്കുകയായിരുന്നു എന്നാണ് ലഭിക്കുന്ന വിവരം.

പ്രാഥമിക പരിശോധനയിൽ കുട്ടിയുടെ ശരീരത്തിൽ പരിക്കുകളുടെ അടയാളങ്ങൾ ഉള്ളതായി കണ്ടെത്തിയിട്ടുണ്ട്. സംഭവവുമായി ബന്ധപ്പെട്ട് ചില യുവാക്കളെ പൊലീസ് ചോദ്യം ചെയ്യുന്നുണ്ടെന്ന വിവരങ്ങളും പുറത്തുവരുന്നുണ്ട്. എന്നാൽ ഇതുസംബന്ധിച്ച് ഔദ്യോഗിക സ്ഥിരീകരണം പൊലീസ് ഇതുവരെ നൽകിയിട്ടില്ല.