രാഹുൽ മാങ്കൂട്ടത്തിലിനെ അയോഗ്യനാക്കണം; സ്പീക്കര്ക്ക് പരാതി
ബലാത്സംഗക്കേസിൽ അറസ്റ്റിലായ നിയമസഭാംഗത്വത്തിൽ നിന്ന് അയോഗ്യനാക്കണമെന്ന് ആവശ്യപ്പെട്ട് സ്പീക്കർക്ക് പരാത നൽകി. ഡികെ മുരളി എംഎൽഎയാണ് സ്പീക്കർക്ക് ഔദ്യോഗികമായി പരാതി നൽകിയത്. രാഹുൽ മാങ്കൂട്ടത്തിൽ സഭയുടെ അന്തസ്സിനും ചട്ടങ്ങൾക്കും വിരുദ്ധമായ പ്രവർത്തനങ്ങൾ നടത്തിയതായി പരാതിയിൽ ചൂണ്ടിക്കാട്ടുന്നുനിരന്തരം ക്രിമിനൽ കേസുകളിൽ പ്രതിയാകുന്ന സാഹചര്യത്തിൽ സഭാ ചട്ടപ്രകാരം അദ്ദേഹത്തെ അയോഗ്യനാക്കണമെന്നും നോട്ടീസിൽ ആവശ്യപ്പെടുന്നു. പരാതി പരിശോധിച്ചതിന് ശേഷം ഇത് നിയമസഭയുടെ പ്രിവിലേജ് ആൻഡ് എത്തിക്സ് കമ്മിറ്റിക്ക് കൈമാറണമോ എന്ന കാര്യം സ്പീക്കർ തീരുമാനിക്കും. നിയമോപദേശം തേടിയാകും തുടർനടപടികൾ.എന്നാൽ, ഈ സർക്കാരിന്റെ അവസാന നിയമസഭാ സമ്മേളനം 20ന് ആരംഭിക്കാനിരിക്കെ അധികം ദിവസങ്ങൾ ഇല്ലാത്തതിനാൽ അയോഗ്യത സംബന്ധിച്ച തീരുമാനം ഈ സമ്മേളനത്തിൽ ഉണ്ടാകുമോ എന്നതിൽ വ്യക്തതയില്ല. രാഹുൽ മാങ്കൂട്ടത്തിലിനെതിരെ സ്വകാര്യ പരാതികൾ ലഭിച്ചിട്ടുണ്ടെന്നും, എംഎൽഎ സ്ഥാനത്തുനിന്ന് അയോഗ്യനാക്കാൻ നിയമസഭാംഗം നൽകുന്ന ഔദ്യോഗിക പരാതി അനിവാര്യമാണെന്നും സ്പീക്കർ എ.എൻ. ഷംസീർ നേരത്തെ വ്യക്തമാക്കിയിരുന്നു.
