ജോസ് കെ. മാണി മുന്നണി വിട്ടാൽ കേരള കോൺഗ്രസ് വീണ്ടും പിളരും; എൽഡിഎഫിനൊപ്പം ഉറച്ച് മൂന്ന് എംഎൽഎമാരും 10 ജില്ലാ പ്രസിഡൻ്റുമാരും

ജോസ് കെ. മാണി ഇടതുമുന്നണി വിടാൻ തീരുമാനിച്ചാൽ കേരള കോൺഗ്രസ് വീണ്ടും പിളരും. മൂന്ന് എംഎൽഎമാരും 10 ജില്ലാ പ്രസിഡന്റുമാരും എൽഡിഎഫിൽ ഉറച്ചുനിൽക്കുമെന്ന് വ്യക്തമാണ്. മന്ത്രി റോഷി അഗസ്റ്റിൻ, എംഎൽഎമാരായ എൻ. ജയരാജ്, അഡ്വ. പ്രമേദ് നാരായണൻ എന്നിവർ എൽഡിഎഫിൽ തുടരും. 

കോട്ടയം, എറണാകുളം, കൊല്ലം, പാലക്കാട് ജില്ലാ പ്രസിഡന്റുമാർ യുഡിഎഫിൽ ചേരാൻ താൽപ്പര്യപ്പെടുന്നു. വിദേശ യാത്ര കഴിഞ്ഞ് തിരിച്ചെത്തിയാലുടൻ ജോസ് കെ. മാണിയുടെ നിലപാട് അറിയിക്കും.

കേരള കോൺഗ്രസ് മാണി വിഭാഗത്തെ യുഡിഎഫിലേക്ക് കൊണ്ടുവരാനുള്ള നീക്കം കോൺഗ്രസ് സജീവമാക്കിയിരിക്കുകയാണ്. ഹൈക്കമാൻഡുമായി രണ്ട് റൗണ്ട് ചർച്ചകൾ പൂർത്തിയായി. കെപിസിസി ജനറൽ സെക്രട്ടറി കെ.സി. വേണുഗോപാൽ ഇതിനകം ചർച്ചകൾ നടത്തി.