കരോൾ സംഘത്തിന് നേരെ അധിക്ഷേപം; ബിജെപി നേതാവ് സി. കൃഷ്ണകുമാറിൻ്റെ പ്രസ്താവന വിവാദമാകുന്നു

പാലക്കാട് പുതുശ്ശേരിയിൽ   ന്യായീകരിച്ചും കരോൾ സംഘത്തെ അധിക്ഷേപിച്ചും ബിജെപി നേതാവ് നടത്തിയ പ്രസ്താവനയ്ക്കെതിരെ മുഖ്യമന്ത്രി പിണറായി വിജയൻ രംഗത്തെത്തി.രാജ്യത്തുടനീളം ക്രൈസ്തവർക്ക് നേരെ സംഘപരിവാർ ആക്രമണങ്ങൾ ആസൂത്രണം ചെയ്യുകയാണെന്നും ഇതിന്റെ ഭാഗമാണ് പാലക്കാട്ടെ സംഭവമെന്നും മുഖ്യമന്ത്രി പറഞ്ഞു. കേസിൽ അറസ്റ്റിലായ അശ്വിൻ രാജിന് ബിജെപിയുമായോ ആർഎസ്എസുമായോ ബന്ധമില്ലെന്ന് പ്രാദേശിക നേതൃത്വം അവകാശപ്പെടുമ്പോഴും, അക്രമികളെ സംരക്ഷിക്കാനാണ് ബിജെപി നേതാക്കൾ ശ്രമിക്കുന്നതെന്ന് മുഖ്യമന്ത്രി കുറ്റപ്പെടുത്തി.

കരോൾ സംഘത്തെ അധിക്ഷേപിച്ചുകൊണ്ട് ബിജെപി സംസ്ഥാന ജനറൽ സെക്രട്ടറി സി. കൃഷ്ണകുമാർ നടത്തിയ പ്രതികരണം വലിയ പ്രതിഷേധത്തിന് കാരണമായി. "സാധാരണയായി കരോൾ സംഘങ്ങൾ വീടുകളിൽ പോയി പാട്ടുപാടി ചെറിയ തുക വാങ്ങാറാണ് പതിവ്. എന്നാൽ സിപിഎം ഏരിയ കമ്മിറ്റിയുടെ ബാൻഡ് സെറ്റുമായി മദ്യപിച്ചെത്തുന്ന സംഘത്തെ കരോൾ സംഘമെന്ന് വിളിക്കാനാകുമോ?" എന്നായിരുന്നു അദ്ദേഹത്തിന്റെ ചോദ്യം.

മുൻപ് തങ്ങളുടെ പ്രവർത്തകൻ കൊല്ലപ്പെട്ട സ്ഥലത്ത് മനഃപൂർവ്വം സംഘർഷമുണ്ടാക്കാൻ എത്തിയ 'സിപിഎം ക്രിമിനൽ സംഘം' ആണിതെന്നുമാണ് കൃഷ്ണകുമാർ ആരോപിച്ചത്.