കേന്ദ്രസര്‍ക്കാര്‍ കെ റെയിലിനെ അനുകൂലിക്കുന്നില്ല; മന്ത്രി അശ്വനി വൈഷ്ണവ്
കെ റെയില്‍ വിരുദ്ധ സമര സമിതിയുടെ നേതൃത്വത്തില്‍ 25000 ത്തോളം പേർ ഒപ്പിട്ട ഭീമ ഹർജി
ന്യൂഡല്‍ഹി: കെ റെയില്‍ വിരുദ്ധ സമര സമിതിയുടെ നേതൃത്വത്തില്‍ 25000 ത്തോളം പേർ ഒപ്പിട്ട ഭീമ ഹർജി റെയില്‍വേ മന്ത്രി അശ്വനി വൈഷ്ണവിന് സമർപ്പിച്ചു.
പദ്ധതിയെ കേന്ദ്ര സർക്കാർ അനുകൂലിക്കുന്നില്ലെന്ന് മന്ത്രി അശ്വനി വൈഷ്ണവ് സമര സമിതിയെ അറിയിച്ചു. നിലവിലെ ഡിപിആർ പ്രകാരം പദ്ധതി കടന്നുപോകുന്ന പ്രദേശങ്ങളിലെ 25000 പേർ ഒപ്പിട്ട ഹർജിയാണ് മന്ത്രിക്ക് കൈമാറിയത്.
മന്ത്രിയുമായുള്ള കൂടിക്കാഴ്ചയില്‍ സമരസമിതി രക്ഷാധികാരി ജോസഫ് എം. പുതുശേരിക്കൊപ്പം കേരളത്തില്‍ നിന്നുള്ള യുഡിഎഫ് എംപിമാരും പങ്കെടുത്തു. കേന്ദ്ര ബജറ്റില്‍ കേരളത്തിന്‍റെ പ്രധാന ആവശ്യങ്ങളിലൊന്ന് കെ റെയിലായിരുന്നു.
ആവശ്യം കേന്ദ്രം പരിഗണിച്ചില്ലെങ്കിലും കെ റെയില്‍ വിഷയത്തിലെ സംസ്ഥാന സർക്കാരിന്‍റെ നയമാണ് ഇതുവഴി വ്യക്തമായതെന്ന് സമരസമിതി നേതാക്കള്‍ പറഞ്ഞു.
What's Your Reaction?
