കാന്താര ചാപ്റ്റര് 2 വരുന്നു; റിലീസ് തീരുമാനിച്ച് നിര്മാതാക്കള്; ഒരുങ്ങുന്നത് വമ്ബൻ ദൃശ്യാവിഷ്കാരം
ഋഷഭ് ഷെട്ടി നായകനായ പാൻ ഇന്ത്യൻ ചിത്രം കാന്താരയുടെ പ്രിക്വലിന്റെ റിലീസ് കാര്യത്തില് തീരുമാനമായെന്ന് സൂചന.
ഋഷഭ് ഷെട്ടി നായകനായ പാൻ ഇന്ത്യൻ ചിത്രം കാന്താരയുടെ പ്രിക്വലിന്റെ റിലീസ് കാര്യത്തില് തീരുമാനമായെന്ന് സൂചന.
ഋഷഭ് ഷെട്ടി തന്നെ സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് അവസാന ഘട്ടത്തിലാണ്.ഔട്ട്ഡോർ ചിത്രീകരണം പൂർത്തിയായിട്ടുണ്ട്. ഇനി 15 മുതല് 20 ദിവസത്തെ ഇൻഡോർ ഷൂട്ടിംഗ് മാത്രമേ ശേഷിക്കുന്നുള്ളു. പോസ്റ്റ് പ്രൊഡക്ഷൻ ജോലികളും ആരംഭിച്ചിട്ടുണ്ട്. വമ്ബൻ ബജറ്റിലൊരുങ്ങുന്ന ചിത്രത്തില് വിഎഫ്എക്സിനായി കൂടുതല് തുക ചെലവഴിക്കുന്നുണ്ട്. ആദ്യ ഭാഗത്തിന്റെ ഇരട്ടി ബജറ്റിലൊരുങ്ങുന്ന ചിത്രം വമ്ബൻ ദൃശ്യാവിഷ്കാരമാകുമെന്നാണ് റിപ്പോർട്ടുകള് വ്യക്തമാക്കുന്നത്.
കർണാടകയില് മാത്രം റിലീസ് ചെയ്ത കാന്താരയുടെ ആദ്യ ഭാഗം പിന്നീട് മൊഴിമാറ്റം ചെയ്ത് കേരളത്തിലും തമിഴ്നാട്ടിലും തെലങ്കാനയിലും പ്രദർശനത്തിനെത്തുകയായിരുന്നു. തൊട്ടുപിന്നാലെ ബോളിവുഡ് ആരാധകർക്കിടയിലും ഹിന്ദി വേർഷൻ ചർച്ചയായി. ബ്ലോക്ബസ്റ്ററായ ചിത്രം ബോളിവുഡില് നിന്ന് മാത്രം 80 കോടി കളക്ഷൻ നേടി. 16 കോടി മുതല് മുടക്കിലെത്തിയ ചിത്രം 400-500 കോടിയാണ് ആഗോള ബോക്സോഫീസില് നിന്ന് നേടിയത്.
What's Your Reaction?