ജിമ്മില് വ്യായാമത്തിനിടെ ജൂനിയര് എൻടിആറിന് പരിക്ക്
ജിമ്മില് വ്യായാമം ചെയ്യുന്നതിനിടെ നടൻ ജൂനിയർ എൻ.ടി.ആറിന് പരിക്ക്.
ജിമ്മില് വ്യായാമം ചെയ്യുന്നതിനിടെ നടൻ ജൂനിയർ എൻ.ടി.ആറിന് പരിക്ക്. പുതിയ ചിത്രമായ ദേവര: പാർട്ട്-1 ന്റെ ചിത്രീകരണം പൂർത്തിയാക്കിയതിനു പിന്നാലെയാണ് എൻ.ടി.ആറിന് പരിക്കേറ്റത്.
ജിമ്മില് വ്യായാമംചെയ്യുന്നതിനിടെ ജൂനിയർ എൻ.ടി.ആറിന്റെ കൈക്ക് ചെറിയൊരു പരിക്കുപറ്റിയെന്ന് പ്രസ്താവനയില് പറയുന്നു. ഒരു കാസ്റ്റ് ഉപയോഗിച്ച് അദ്ദേഹത്തിന്റെ കൈ കെട്ടിവെച്ചിരിക്കുകയാണ്. കഴിഞ്ഞദിവസം രാത്രി ജൂനിയർ എൻ.ടി.ആർ ദേവരയുടെ ഷൂട്ടിങ് പൂർത്തിയാക്കിയിരുന്നു.
താരം സുഖം പ്രാപിച്ചുവരികയാണ്. പരിക്ക് ഭേദമായി അദ്ദേഹം വൈകാതെതന്നെ തിരിച്ചെത്തും. പരിക്കുമായി ബന്ധപ്പെട്ട ഊഹാപോഹങ്ങള് ആരും വിശ്വസിക്കരുതെന്നും അവ തള്ളിക്കളയണമെന്നും അവർ ആവശ്യപ്പെട്ടു.
ജൂനിയർ എൻ.ടി.ആറിന്റെ കൈയുടെ ചിത്രവും അവർ പങ്കുവെച്ചിട്ടുണ്ട്. കൊരട്ടാല ശിവയും എൻ.ടി.ആറും ജനതാ ഗാരേജിന് ശേഷം ഒരുമിക്കുന്ന ചിത്രമാണ് ദേവര. ബോളിവുഡ് താരങ്ങളായ ജാന്വി കപൂറും സെയ്ഫ് അലി ഖാനും പ്രധാന ചിത്രത്തില് വേഷങ്ങളില് എത്തുന്നുണ്ട്.
യുവസുധ ആർട്ട്സും എന്ടിആര് ആര്ട്സും ചേർന്ന് നിർമിക്കുന്ന ചിത്രം നന്ദമൂരി കല്യാണ് റാം ആണ് അവതരിപ്പിക്കുന്നത്. പ്രകാശ് രാജ്, ശ്രീകാന്ത് മേക്ക, ഷൈന് ടോം ചാക്കോ, നരൈന് തുടങ്ങി ഒട്ടനവധി അഭിനേതാക്കള് ചിത്രത്തിന്റെ ഭാഗമാകുന്നുണ്ട്.
What's Your Reaction?