സ്കൂള്‍ വിട്ട സമയത്ത് ടൗണിലൂടെ യുവാവ് ചീറിപ്പാഞ്ഞെത്തിയത് കുതിരപ്പുറത്ത്; തടഞ്ഞ് തിരിച്ചയച്ച്‌ പൊലീസ്
തിരക്കുള്ള സമയത്ത് റോഡിലൂടെ കുതിരപ്പുറത്ത് പാഞ്ഞെത്തിയ യുവാവിനെ തടഞ്ഞ് തിരിച്ചയച്ച്‌ പൊലീസ്.
അടൂർ: തിരക്കുള്ള സമയത്ത് റോഡിലൂടെ കുതിരപ്പുറത്ത് പാഞ്ഞെത്തിയ യുവാവിനെ തടഞ്ഞ് തിരിച്ചയച്ച്‌ പൊലീസ്. അടൂർ ടൗണില്‍ ഇന്നലെ വൈകിട്ട് നാലുമണിക്കാണ് സംഭവം.
കുതിരയെ നടത്തിക്കാൻ കൊണ്ടുവന്നതാണെന്നാണ് യുവാവ് പോലീസിന് നല്‍കിയ മറുപടി. സ്കൂള്‍ സമയത്ത് ഇത് പാടില്ലെന്നും കുട്ടികള്‍ക്കും മറ്റുള്ളവർക്കും അപകടകരമായ കാര്യമാണ് ചെയ്യുന്നതെന്നും യുവാവിനെ പറഞ്ഞ് മനസ്സിലാക്കിയശേഷം കുതിരയെ അടൂർ ബൈപ്പാസ് റോഡുവഴി കൊണ്ടുപോകാൻ യുവാവിനോട് പോലീസ് നിർദേശിച്ചു. കൂടാതെ, വെള്ളിയാഴ്ച രാവിലെ സ്റ്റേഷനിലെത്താനും പോലീസ് യുവാവിന് നിർദേശം നല്‍കി.
What's Your Reaction?
