അമ്ബലപ്പുഴയില്‍ കൊപ്രാവെളിച്ചെണ്ണ യൂണിറ്റിന് തീപിടിച്ചു
അമ്ബലപ്പുഴ നീർക്കുന്നത്ത് കൊപ്രാവെളിച്ചെണ്ണ യൂണിറ്റിന് തീപിടിച്ചു.
ആലപ്പുഴ: അമ്ബലപ്പുഴ നീർക്കുന്നത്ത് കൊപ്രാവെളിച്ചെണ്ണ യൂണിറ്റിന് തീപിടിച്ചു. നീർക്കുന്നം ജംഗ്ഷന് സമീപം പ്രവർത്തിക്കുന്ന കേരാ ദിൻ എന്ന സ്ഥാപനത്തിലാണ് തിങ്കളാഴ്ച ഉച്ചയോടെ തീപിടിത്തമുണ്ടായത്.
തീപിടിത്തത്തിന്‍റെ സമയത്ത് സ്ഥാപത്തിന്‍റെ ഉടമ പി കെ രാജീവും ജീവനക്കാരി സൂര്യയും പുറത്തേക്കിറങ്ങി രക്ഷപെട്ടു. ആലപ്പുഴ തകഴി എന്നിവിടങ്ങളില്‍ നിന്നായി അഞ്ച് അഗ്നിരക്ഷാസേന യൂണിറ്റുകള്‍ സ്ഥലത്തെത്തി രക്ഷാ പ്രവർത്തനം നടത്തി. കടയുടെ ചില്ല് തകർത്താണ് രക്ഷാപ്രവർത്തനം നടത്തിയത്.
ഫയർഫോഴ്സിന്‍റെ നേതൃത്വത്തില്‍ അമ്ബലപ്പുഴ പൊലീസും നാട്ടുകാരും ചേർന്ന് രണ്ട് മണിക്കൂറോളം നടത്തിയ പരിശ്രമത്തിനൊടുവിലാണ് തീ പൂർണമായും അണക്കാൻ കഴിഞ്ഞത്.
What's Your Reaction?
