അസമില്‍ കസ്റ്റഡിയില്‍ നിന്ന് രക്ഷപ്പെടാൻ ശ്രമിക്കുന്നതിനിടെ പ്രതി കുളത്തില്‍ വീണ് മരിച്ചു
അസമിലെ നഗോവൻ ജില്ലയില്‍ 14 വയസ്സുള്ള പെണ്‍കുട്ടിയെ മൂന്ന് പേർ ചേർന്ന് കൂട്ടബലാത്സംഗം ചെയ്ത കേസിലെ പ്രതി കസ്റ്റഡിയില്‍ നിന്നും രക്ഷപ്പെടാൻ ശ്രമിക്കുന്നതിനിടെ കുളത്തില്‍ വീണ് മരിച്ചു.
ന്യൂഡല്‍ഹി: അസമിലെ നഗോവൻ ജില്ലയില്‍ 14 വയസ്സുള്ള പെണ്‍കുട്ടിയെ മൂന്ന് പേർ ചേർന്ന് കൂട്ടബലാത്സംഗം ചെയ്ത കേസിലെ പ്രതി കസ്റ്റഡിയില്‍ നിന്നും രക്ഷപ്പെടാൻ ശ്രമിക്കുന്നതിനിടെ കുളത്തില്‍ വീണ് മരിച്ചു.
തെളിവെടുപ്പിനായി കൊണ്ട് വന്നപ്പോള്‍ താഫസുല്‍ ഇസ്‍ലാം കുളത്തിലേക്ക് ചാടുകയായിരുന്നുവെന്നാണ് പൊലീസ് അറിയിക്കുന്നത്. രണ്ട് മണിക്കൂർ നേരത്തെ തിരച്ചിലിനൊടുവിലാണ് ഇസ്‍ലാമിന്റെ മൃതദേഹം കണ്ടെത്തിയതെന്നും പൊലീസ് അറിയിച്ചു. നാഗോണില്‍ പെണ്‍കുട്ടിയെ കൂട്ടബലാത്സംഗത്തിനിരയാക്കിയ മൂന്ന് പേരില്‍ ഒരാള്‍ താഫസുല്‍ ഇസ്‍ലാമാണെന്നാണ് പൊലീസ് പറയുന്നത്.
ട്യൂഷൻ ക്ലാസില്‍ നിന്നും വീട്ടിലേക്ക് മടങ്ങുന്നതിനിടെയാണ് പെണ്‍കുട്ടി കൂട്ടബലാത്സംഗത്തിനിരയായത്. ബോധരഹിതയായി വഴിയരികില്‍ കിടന്ന പെണ്‍കുട്ടിയെ പ്രദേശവാസികളാണ് ആശുപത്രിയിലേക്ക് മാറ്റിയത്.
What's Your Reaction?
