പത്തനംതിട്ട സിപിഐഎമ്മില്‍ വീണ്ടും അച്ചടക്ക നടപടി

പത്തനംതിട്ട തുമ്ബമണ്‍ ടൗണ്‍ തെക്ക് ബ്രാഞ്ച് സെക്രട്ടറി അര്‍ജ്ജുന്‍ ദാസിനെതിരെയാണ് നടപടിയെടുത്തിരിക്കുന്നത്. പ്രാഥമികാംഗത്വത്തില്‍ നിന്ന് പുറത്താക്കാന്‍ പന്തളം ഏരിയാ കമ്മിറ്റി ശുപാര്‍ശ ചെയ്തിരുന്നു. കോണ്‍ഗ്രസ് പ്രാദേശിക നേതാവിനെ ഭീഷണിപ്പെടുത്തിയതിന് അര്‍ജ്ജുന്‍ ദാസിനെതിരെ പൊലീസ് കേസെടുത്തിരുന്നു.

ദിവസങ്ങള്‍ക്ക് മുമ്ബ് പത്തനംതിട്ട, തിരുവല്ലയിലെ ഏരിയാ കമ്മിറ്റി അംഗത്തിനെതിരെയും ലോക്കല്‍ സെക്രട്ടറിക്കെതിരെയും പാര്‍ട്ടി നടപടിയെടുത്തിരുന്നു. ദേവസ്വം ബോര്‍ഡ് നിയമന ആരോപണത്തിലാണ് ഏരിയാ കമ്മിറ്റി അംഗം പ്രകാശ് ബാബുവിനെ സ്ഥാനത്ത് നിന്ന് നീക്കിയത്. തിരുവല്ല ടൗണ്‍ നോര്‍ത്ത് ലോക്കല്‍ സെക്രട്ടറി കൊച്ചുമോനെയും സ്ഥാനത്ത് നീക്കി. പീഡനക്കേസില്‍ ആരോപണ വിധേയനായ സി സി സജിമോനെ പാര്‍ട്ടിയില്‍ തിരിച്ചെടുത്തതിനെതിരെ സംസ്ഥാന നേതൃത്വത്തെ കൊച്ചുമോന്‍ സമീപിച്ചിരുന്നു. നേരത്തെ, തിരുവല്ല ഏരിയാ സെക്രട്ടറി ഫ്രാന്‍സിസ് വി ആന്റണിയെ സ്ഥാനത്ത് നിന്ന് നീക്കിയിരുന്നു. ഇതിന് ഒരാഴ്ചയ്ക്ക് ശേഷമാണ് പ്രകാശ് ബാബുവിനെയും കൊച്ചുമോനെയും നീക്കിയത്.