മുകേഷ്, ജയസൂര്യ ഉള്‍പ്പെടെ 7 പേര്‍ക്കെതിരെ ലൈംഗികാതിക്രമ പരാതി; 10 മണിക്കൂര്‍ നീണ്ടു നിന്ന മൊഴിയെടുപ്പ് പൂര്‍ത്തിയായി

10 മണിക്കൂറോളമാണ് മൊഴിയെടുപ്പ് നീണ്ടുനിന്നത്. മൊഴികള്‍ പരിശോധിച്ച്‌ തുടർ നടപടികള്‍ സ്വീകരിക്കുമെന്ന് പൊലീസ് പറഞ്ഞു.

മൊഴികളുടെ അടിസ്ഥാനത്തില്‍ 7 കേസുകള്‍ രജിസ്റ്റർ ചെയ്യും. 6 കേസുകള്‍ എറണാകുളത്തും ഒരു കേസ് തിരുവനന്തപുരത്തുമായിരിക്കും രജിസ്റ്റർ ചെയ്യുക. പ്രത്യേക അന്വേഷണ സംഘത്തിലെ വനിതാ ഐപിഎസ് ഉദ്യോഗസ്ഥരായ അജിതാ ബീഗം, പൂങ്കുഴലി എന്നിവർ ഉള്‍പ്പെടെയുള്ള ഉദ്യോഗസ്ഥരാണ് മൊഴിയെടുപ്പ് രേഖപ്പെടുത്തിയത്. രാവിലെ പത്തരയോടെയാണ് മൊഴിയെടുപ്പ് തുടങ്ങിയത്.

ഹേമ കമ്മിറ്റി റിപ്പോർട്ട് പുറത്തുവിട്ടതിന് പിന്നാലെ 7 പേർക്കെതിരെയാണ് വെളിപ്പെടുത്തലുമായി യുവതി രംഗത്തെത്തിയത്. മുകേഷ്, ജയസൂര്യ, മണിയൻപിള്ള രാജു, ഇടവേള ബാബു എന്നിവർക്കെതിരെയും രണ്ട് പ്രൊഡക്ഷൻ കണ്‍ട്രോളർമാർക്കും ഒരു നിർമാതാവിനുമെതിരെയാണ് യുവതി ലൈംഗികാതിക്രമ പരാതി നല്‍കിയത്.