തന്നെയും മകനമെയും മാധ്യമങ്ങള്‍ പിന്തുടരുന്നു ; മാധ്യമങ്ങക്കും പൊലീസിനും എതിരായി പരാതി നല്‍കി നടൻ സിദ്ദീഖ്
മാധ്യമങ്ങക്കും പൊലീസിനും എതിരായി പരാതി നല്‍കി ബലാത്സംഗ ആരോപണം നേരിടന്ന നടൻ സിദ്ദീഖ്.
മാധ്യമങ്ങക്കും പൊലീസിനും എതിരായി പരാതി നല്‍കി ബലാത്സംഗ ആരോപണം നേരിടന്ന നടൻ സിദ്ദീഖ്. തന്നെയും മകനമെയും മാധ്യമങ്ങള്‍ പിന്തുടരുന്നു എന്നാണ് സിദ്ദീഖിന്‍റെ പരാതി.
അതേസമയം, ബലാത്സംഗക്കേസില്‍ സിദ്ദിഖ് ചോദ്യംചെയ്യലിനോട് സഹകരിക്കുന്നില്ലെന്ന് അന്വേഷണ സംഘം വ്യക്തമാക്കിയിരുന്നു. ഒന്നര മണിക്കൂർ ചോദ്യം ചെയ്ത ശേഷം സിദ്ദിഖിനെ അന്വേഷണ സംഘം വിട്ടയച്ചു.
തിരുവനന്തപുരം കന്റോണ്‍മെന്റ് സ്റ്റേഷനില്‍ നടന്ന ചോദ്യം ചെയ്യലില്‍ നേരത്തേ അവകാശപ്പെട്ടിരുന്ന, നടിക്കെതിരായ വാട്സ്‌ആപ് രേഖകള്‍ സിദ്ദീഖ് സമർപ്പിച്ചില്ല. വാട്സ് ആപ് രേഖകള്‍ ഇന്ന് ഹാജരാക്കുമെന്നായിരുന്നു അറിയിച്ചിരുന്നത്. എന്നാല്‍ 2016-17 കാലത്തുണ്ടായിരുന്ന മൊബൈല്‍ ഫോണും ഐപാഡും കാമറയും ഇപ്പോള്‍ കൈവശമില്ലെന്നാണ് സിദ്ദീഖ് പറഞ്ഞത്.
2016ല്‍ മസ്ക്കറ്റ് ഹോട്ടലില്‍ സിദ്ദീഖ് ബലാത്സംഗം ചെയ്തുവെന്ന നടിയുടെ പരാതിയിലാണ് കേസ്. പരാതിയില്‍ സിദ്ദീഖിനെതിരെ ബലാത്സംഗം, ഭീഷണിപ്പെടുത്തല്‍ വകുപ്പുകള്‍ പ്രകാരം മ്യൂസിയം പൊലീസ് കേസെടുത്തിരുന്നു. പരാതിക്കാരിയെ തിരുവനന്തപുരത്തുവച്ച്‌ കണ്ടിരുന്നതായി സിദ്ദീഖ് നേരത്തേ സമ്മതിച്ചിട്ടുണ്ട്. സംഭവം നടന്ന 2016 ജനുവരി 28ന് 101 ഡി മുറിയിലാണ് സിദ്ദിഖ് താമസിച്ചതെന്ന് അന്വേഷണ സംഘവും സ്ഥിരീകരിച്ചു. പരാതിക്കാരിക്കൊപ്പം ഹോട്ടലിലെത്തിയ സുഹൃത്തിന്‍റെ മൊഴിയും രേഖപ്പെടുത്തി.
What's Your Reaction?
