സൈനികർക്കു ശമ്പളവർധന; പ്രതിരോധ ബിൽ പാസാക്കി യുഎസ് കോൺഗ്രസ്

അവധിക്കാലത്തിന് മുമ്പായി എല്ലാ സൈനികർക്കും 3.8% ശമ്പളവർധന അനുവദിക്കുന്ന പ്രതിരോധ ബിൽ പാസാക്കി യുഎസ് നിയമനിർമ്മാതാക്കൾ. 2026 ജനുവരി 1 മുതൽ പ്രാബല്യത്തിൽ വരുന്ന ഈ വർധന, കോൺഗ്രസിന്റെ വാർഷികമായി പാസാക്കേണ്ട പ്രതിരോധ നയബില്ലിലെ പ്രധാന വ്യവസ്ഥകളിലൊന്നാണ്.900 ബില്യൺ ഡോളർ മൂല്യമുള്ള ബിൽ ഡിസംബർ 17-ന് സെനറ്റിൽ 77–20 എന്ന വോട്ടിന് ആണ് പാസായത്. സൈനിക അടിസ്ഥാനസൗകര്യങ്ങൾ ശക്തിപ്പെടുത്തുന്നതിനായി വലിയ തുകയാണ് ബില്ലിൽ അനുവദിച്ചിരിക്കുന്നത്.