70 അടി ഉയരമുള്ള സ്വന്തം പ്രതിമ അനാച്ഛാദനം ചെയ്യാൻ ലയണൽ മെസ്സി ഡിസംബർ 13-ന് കൊൽക്കത്തയിൽ

ഫുട്ബോൾ ഇതിഹാസം . ഡിസംബർ 13-നാണ് അർജൻ്റീനിയൻ സൂപ്പർ താരം കൊൽക്കത്തയിൽ എത്തുന്നത്. ഏഴ് തവണ ബാലൺ ഡി ഓർ ജേതാവായ മെസ്സി, യുറുഗ്വായ് താരം ലൂയിസ് സുവാരസ്, അർജൻ്റീന താരം റോഡ്രിഗോ ഡി പോൾ എന്നിവർക്കൊപ്പമാണ് കൊൽക്കത്തയിൽ എത്തുക.സന്ദർശനത്തിൻ്റെ ഭാഗമായി, ശ്രീഭൂമിയിലെ ക്ലോക്ക് ടവറിന് സമീപം സ്ഥാപിച്ചിട്ടുള്ള തൻ്റെ 70 അടി ഉയരമുള്ള ലോകത്തിലെ ഏറ്റവും വലിയ പ്രതിമ മെസ്സി അനാച്ഛാദനം ചെയ്യും. മോണ്ടി പാൽ എന്ന കലാകാരനും അദ്ദേഹത്തിൻ്റെ 30 കലാകാരന്മാരുടെ സംഘവും പ്രത്യേക ഫൈബർ സാങ്കേതികവിദ്യ ഉപയോഗിച്ച് ഏതാനും ദിവസങ്ങൾക്കുള്ളിലാണ് ഈ പ്രതിമ നിർമ്മിച്ചത്.പ്രതിമയുടെ അനാച്ഛാദന ചടങ്ങ് ഒരു വലിയ സംഭവമായി മാറുമെന്നും ഇത് ഗിന്നസ് ബുക്ക് ഓഫ് വേൾഡ് റെക്കോർഡ്സിൽ ഇടം നേടുമെന്നാണ് സംസ്ഥാന മന്ത്രി സുജിത് ബസു പ്രതീക്ഷിക്കുന്നത്. സ്പോൺസറുടെ പരിപാടി, മോഹൻ ബഗാൻ 'മെസ്സി' ഓൾ സ്റ്റാറും ഡയമണ്ട് ഹാർബർ 'മെസ്സി' ഓൾ സ്റ്റാറും തമ്മിലുള്ള ഫുട്ബോൾ മത്സരം, യുവ ഭാരതി സ്റ്റേഡിയത്തിലെ സ്വീകരണം എന്നിവ ഉൾപ്പെടുന്നതാണ് മെസ്സിയുടെ സന്ദർശന പരിപാടികൾ.